एनआरएन जापानको प्रथम सम्मेलन मेमा हुने
एनआरएन जापानको प्रथम सम्मेलन आगामी मे ६ र ७ हुने भएको छ।
एनआरएन जापानका अध्यक्ष राजन प्रधानाँगको अध्यक्षतामा आइतबार बसेको बैठकले उक्त निर्णय गरेको हो । एनआरएन जापानले एक विज्ञप्ति प्रकाशन गरी मे महिनामा सम्पन्न हुने सम्मेलनमा जापान-नेपाल सम्बन्ध, सूचना प्रविधि, पर्यटन र व्यापार, नलेज ट्रान्सफर, द्धन्द्ध समाधान, जापानका नेपाली संघ संस्थाबीच सहयोग आदानप्रदान आदि कार्यशालाहरु सम्पन्न हुने जनाइएको छ । उक्त कार्यशालाहरुमा नेपाली तथा जापानी विज्ञहरुले आफ्ना कार्यपत्रहरु प्रस्तुत गर्ने छन् । त्यस्तै गरी एनआरएन राष्ट्रिय समन्वय समितिका विभिन्न पदाधिकारीहरुले समेत उक्त सम्मेलनमा भाग लिने विज्ञप्तिमा उल्लेख छ । उक्त सम्मेलनमा एनआरएन जापानको साधारणसभा तथा नयाँ कार्य समितिको चयनसमेत गर्नेछ ।
एनआरएन जापानको यस प्रथम सम्मेलनमा नेपालकी ख्यात्रि्राप्त गायिका आनी छोयाँग डोल्माको विशेष साँस्कृतिक कार्यक्रम पनि प्रस्तुत गरिने छ भने स्थानीय कलाकारहरुको पनि उक्त साँस्कृतिक कार्यक्रममा आफ्नो कला प्रस्तुत गर्ने विज्ञप्तिमा जनाइएको छ । त्यसैगरी सम्मेलनमा एनआरएनको सँचार तथा प्रकाशन समितिले “सोभिनियर” नामक पत्रिका पनि प्रकाशन गर्नेछ । २००३ मा एनआरएनको स्थापनासँगै २००४ फेब्रुअरीमा एनआरएन जापान शाखाको स्थापान भएको हो । तत्पश्चात् विभिन्न गतिविधिहरुमा अग्रसर रहँदै आएको यस संस्थाले यस सम्मेलनमा जापानबासी नेपालीहरुलाई भाग लिन विशेष अनुरोध गरेको छ । एफएन न्युजसँग कुरा गर्दै एनआरएन जापानका महासचिव डा. कुमार बस्नेतले आसन्न सम्मेलनले विशेष महत्व बोकेको बताउनुभयो । उहाँले अहिले विश्वका नेपालीहरुले एनआरएन जापानको गतिविधिहरुलाई अति अभिरुचिपूर्वक हेरिरहेको बताउँदै सम्मलेनले जापानबासी नेपालीहरुलाई एक ठाउँमा ल्याइ विभिन्न विषयहरुमा विचार विमर्श गराउँने जानकारी दिनुभयो । एनअरएन प्रथम सम्मेलन सम्बन्धी जानकारी उक्त संस्थाको होमपेज www.nrnjapan.org मा समेत हेर्न सकिने व्यवस्था मिलाइएको उहाँले जानकारी दिनुभयो
Where ever you are in the world. We will be with you.
Please, share your ups & downs with us. :-PNN
