मलेसियामा एक नेपालीको हत्या
अछामको बरदादेवी गाविसको वयलपाटाका पूर्ण साउदको मलेसियाको क्वालालम्पुरमा हत्या गरिएको छ ।
जनता क्याम्पस वयलपाटाको स्ववियू सभापति समेत भइसकेका साउदको दुइ साता अघि अज्ञात समूहले हत्या गरी नजिकैको पोखरीमा मृत अवस्थामा फेला परेको मृतकका आफन्त कमानसिंह साउदले बताउनुभयो । दुइ वर्षघि काठमाडौंको नयाँ बानेश्वरस्थित इलाम इन्टरनेशनल म्यानपावरबाट मलेसियामा मजदुरीका लागि गएका थिए । मृतक साउद राजधानी क्वालालमपुरस्थित रेष्टोराम एसविआरजे कम्पनीमा काम गर्दै आएका र उनीसँगै रहेका अन्य तीन जना साथीले उनलाई नजिकैको पोखरीमा मृत अवस्थामा फेला पारिएको मृतकका आफन्त कमानसिंह साउदले बताउनुभयो । शवलाई आइतबार त्रिभुवन अन्तर्राष्ट्रिय विमानस्थलमा ल्याइए पनि सम्बन्धित मेनपावर र मलेसियन सरकारले क्षतीपूर्ती नदिएको कारण परिवारजनले उनको शव बुझेका छैनन । साउदलाई वैदेशिक रोजगारीमा पठाउने इलाम इन्टरनेशनल मेनपावरका गोपालप्रसाद नेपालले मृतकको परिवारलाई क्षतीपूर्ती दिने विमा वापतको रकम उपलब्ध गराउने आश्वाशन मात्र दिएको तर अझैसम्म एक सुको उपलब्ध नगराइएकाले शव नबुझेको मृतकका साथी कालीबहादुर बुढाले जानकारी गराउनुभयो ।
श्रोत स्वतन्त्र नेपाल
Where ever you are in the world. We will be with you.
Please, share your ups & downs with us. :-PNN
